नागपूर : मुख्यमंत्री देवेंद्र फडणवीस यांच्यावरची सर्व प्रकारची विघ्ने टळावीत, यासाठी भारतीय जनता युवा मोर्चाच्या वतीने २१ जुलैला महामृत्युंजय जप व पूर्णाहुती यज्ञ करण्यात येणार आहे.
पक्षाच्या वतीने प्रभागातील दहावी व बारावीच्या विद्यार्थ्यांचा सत्कार करण्यात येणार आहे. याखेरीज विविध आघाड्यांच्या वतीने वेगवेगळ्या कार्यक्रमांचे आयोजन करण्यात येणार आहे.
‘भाजयुमो’च्या वतीने सव्वा लाख महामृत्युंजय जप आणि पूर्णाहुती यज्ञ करणार असल्याचे जाहीर करण्यात आले आहे. हिंगणा रोडवरील महादेव मंदिरात जप केला जाणार आहे. अनुसूचित जाती मोर्चाच्या वतीने समाजातील गुणवान विद्यार्थ्यांचा गौरव केला जाणार आहे. शहराध्यक्ष सुधाकर कोहळे यांनी ही माहिती दिली.
या वेळी संदीप जोशी, भोजराज डुंबे, संदीप जाधव, प्रमोद पेंडके, देवेंद्र दस्तुरे, विवेक तरासे, चंदन गोस्वामी उपस्थित होते.
